(Русский) Віктар Сямашка і новы альбом Calavera

Sorry, this entry is only available in Russian. For the sake of viewer convenience, the content is shown below in the alternative language. You may click the link to switch the active language.

14 лютага бельгійскі незалежны нэт-лэйбл Tape-Safe выдаў новы альбом паэта і музыкі Віктара Сямашка “Calavera”.

Альбом “Calavera” сфармавалі тры 20-хвілінныя кампазыцыі. Яны аб’яднаныя імпра-лупавым мэтадам стварэньня й лёгкім лацінскім калярытам. Запісы адбыліся цягам 2013 году падчас выступаў Віктара Сямашкі ў розных мейсцах Менску. Музыка стваралася ў рэжыме “тут і зараз” без фанаграмных загатовак і запрошаных інструмэнталістаў.

“Часам я далучаю да сумеснае імправізацыі вялікую колькасьць калегаў. Бывала даходзіла да васьмі. А часам хочацца абысьціся выключна ўласнымі высілкамі, каб данесьці сваю аўтарскую думку найбольш дакладна й выразна. Гэты альбом – як раз той, другі выпадак. Тут я сабраў найбольш яскравыя сольныя кампазыцыі за мінулы год. Усе яны сталіся вельмі важнымі пунктамі ў маім творчым досьведзе” – падзяліўся з намі Віктар .

Напрыклад кампазыцыя “Emak Bakia” зьяўляецца жывым саўндтрэкам да аднайменнага фільму, зьнятага францускім дадаістам Мана Рэем у 1926 годзе. Дэманстрацыя якога адбылася падчас Open-air фэстывалю нямога кіно і сучаснай музыкі “Кінемо” ў музэі Заіра Азгура.

Раім вам паглядзець фільм “Emak Bakia” агучаны Віктарам Сямашка: